Aktuelles
23.06.2010 10:10
Uli Eder aus da Schnoat
Autofreier Erlebnissonntag am 27. Juni
Am kommenden Sonntag findet der erste autofreie Erlebnistag am Waginger See statt. Alle Hauptstrassen um den See werden für den motorisierten Verkehr gesperrt und für Radler, Inline-Skater, Kutschen usw. freigegeben. Verschiedene Veranstaltungen mit Musik und Verpflegungen sind auf der Strecke vorhanden.
18.06.2010 11:14
Uli Eder aus da Schnoat
Sunnwendfeier werd durchzong
gestern auf'd Nocht ham's ausgmacht, dass de Sunnwenfeier heid sei werd. Vaschobn werd de Feier wahrscheinlich ned, wei so fui andane Termine in de nächstn Wochn scho feststehn.
Des hoasst: wenn heid Nachmedog nach dem Deitschland-Spui 's Weda guad heaschaud werd's Dringa einkafft und auf'd Nocht gfeiert. Fois doch rengt is beim Stubern de Maschinahittn zum untastäin do. Sunst is ois scho aufbaut.
06.06.2010 21:02
Uli Eder aus da Schnoat
Sunnwendfeier am 18.Juni 2010
so wia da Stammdisch am gestrigen Samsdog beschlossn hod is am Freitag, 18. Juni 2010 um 19:00 Uhr a Sunnwendfeier ogsogt bei Stubern in Richtung Helming.
A Hoiz is scho aufgricht - wenn nu oana an Stodl oda a Schlofzimma oreisst kannt ma's Hoiz a nu braucha.
Wiascht und Fleisch soid se jeda seiba mitnemma. zum dringa des werd fia olle bsorgt. An Salod wenn nu jeda midbringd samma komplett. Deller, Bsteck und Glasl nimmd se bessa a nu jeda mid.
Kemma deafan olle vom Schnoata Schdammdisch.
Mia deafan de Sunnwend am 18. Juni scho feiern, a wenn's erscht am 21. Juni so weit is - wei de Schnoata owei schnella san.
05.04.2010 12:52
Uli Eder aus da Schnoat
Da Stammdisch am Ostersonndog war ein voller Erfolg
Am Ostersonntag, den 04.04.2010, san zum Stammdisch guade zwanzg Leit kemma wos olle narisch gfreit hod. Und wei des so guad highaut hod mecht ma des nu efdas macha. Da Wirt hod se a ned schwoam lossn und a Glasl einagstäid (3 Liter).
Bei da Ansprach von insam Buagamoasda in da Schnoat, am Berni, is ausgmacht worn (Mehrheitsbeschluss) dass se de Schnoata jeden 1. Samsdog im Monat beim Wirt in Oach zum Stammdisch treffa wern.
Da nechste Termin is oiso da 1. Mai 2010. An dem Dog ab zwoa am Nammedog gibts Kaffee und Kuacha. De Schnoata Buam deafan a gern 'd Freindin oda 's Weibe mitbringa. Wenn nachads nu oane an Kuacha mitbringa dad sogn ma dangschen, do da ma ins gfrein.
26.03.2010 19:11
Uli Eder aus da Schnoat
Schnoata Stammtisch am Ostersonntag, den 4. April 2010 ab 19:00h in Oach beim Wirt. Es darf jeder "Schnoata" kommen.
>Aktuelles eintragen<